ავსტრალიის ვიზა
ავსტრალიის ვიზა გაიცემა თურქეთის დედაქალაქ ანკარაში, სადაც აღნიშნულ მომსახურებას უზრუნველყოფს ავსტრალიის თანამეგობრობის საელჩოს საკონსულო განყოფილება. საელჩოს მისამართია: Ugur Mumcu 88, მე-7 სართული, GOP, ანკარა, თურქეთი. დამატებითი ინფორმაციისთვის შეგიძლიათ დაუკავშირდეთ ტელეფონით: 0312 459 9500 ან ეწვიოთ მათ ვებ-გვერდს.
ავსტრალიის ვიზის კატეგორიები
-ტურისტული ვიზა (Visitor Visa – Subclass 600): ვიზის გამოყენებას შეძლებთ ტურისტული, რეკრეაციული ან ახლობლების მონახულების მიზნით. აგრეთვე, შეგიძლიათ დაესწროთ კონფერენციებს და ბიზნეს შეხვედრებს 3,6 ან 12 თვის ვადით.
-სტუდენტური ვიზა (Student Visa – Subclass 500): თუ თქვენ ჩაირიცხეთ ავსტრალიის საგანმანათლებლო დაწესებულებაში, ეს ვიზა საშუალებას გაძლევთ იცხოვროთ და ისწავლოთ ქვეყანაში თქვენი კურსის ხანგრძლივობის განმავლობაში.
-სამუშაო და კვალიფიციური ვიზები (Skilled Visas):განკუთვნილია იმ პირებისთვის, რომელთაც აქვთ ავსტრალიაში მოთხოვნადი სპეციფიური პროფესიული უნარები. აპლიკანტებს უწევთ გაიარონ შესაბამისი ტესტირება. საცხოვრებელი ვიზის ტიპი და ხანგრძლივობაც პროფესიაზე და ვიზის კატეგორიაზეა დამოკიდებული.
-საოჯახო ვიზები (Family and Partner Visas): განკუთვნილია ავსტრალიის მოქალაქეების, მუდმივი მაცხოვრებლების ან შესაბამისი მოქალაქეობის მქონე ახალ ზელანდიის მაცხოვრებლების მეუღლეებისთვის, პარტნიორებისთვის, შვილებისთვის და მშობლებისთვის.
მჭირდება თუ არა საკონსულოში გამოცხადება ტურისტული ვიზის მისაღებად?
ავსტრალიის ტურისტული ვიზის მისაღებად ანკარაში ჩასვლა და საკონსულოში გამოცხადება არ დაგჭირდებათ. ვიზაცენტრის საშუალებით იგზავნება თქვენი ბიომეტრიული მონაცემები (არა თავად პასპორტი) და დადებითი პასუხის შემთხვევაში თქვენი ელექტრონული ვიზაც მალე გამზადდება.
საჭირო დოკუმენტაცია ტურისტული ვიზისთვის
- მოქმედი პასპორტი
- სამსახურის ცნობა
- სახელფასო ამონაწერი
- ქორწინების მოწმობა (თუ ასეთი არსებობს)
- ფოტო-სურათი
მნიშვნელოვანია: ავსტრალიის საიმიგრაციო კანონმდებლობა ხშირად იცვლება. ყოველთვის გამოიყენეთ ავსტრალიის შინაგან საქმეთა დეპარტამენტის ოფიციალური წყაროები ყველაზე განახლებული ინფორმაციის მისაღებად.
რჩევები წარმატებული განაცხადისთვის:
- წარსადგენი დოკუმენტაცია: ტურისტული ვიზის შემთხვევაში, აჩვენეთ მჭიდრო კავშირები სამშობლოსთან (სამსახური, ოჯახი, ქონება), რაც დაადასტურებს თქვენს ავსტრალიიდან დროულად დაბრუნების განზრახვას.
- ფინანსური გარანტია: წარადგინეთ მკაფიო საბანკო ამონაწერები, რომლებიც ადასტურებს, რომ გაქვთ საკმარისი თანხა ავსტრალიაში ყოფნის პერიოდში საკუთარი თავის უზრუნველსაყოფად.
- ჯანმრთელობის მდგომარეობა: მზად იყავით, საჭიროების შემთხვევაში, გაიაროთ სამედიცინო შემოწმება და წარადგინოთ პოლიციის ცნობა ნასამართლეობის შესახებ.
ჩვენი შეთავაზება
გსურთ ავსტრალიაში მოგზაურობა?
ავსტრალიის ტურისტული ვიზის მიღების პროცესი შეიძლება რთული და დამაბნეველი ჩანდეს, მაგრამ ჩვენ მზად ვართ, ეს გზა გაგიმარტივოთ!
ჩვენი გამოცდილი გუნდი გთავაზობთ სრულ მხარდაჭერას ავსტრალიის ტურისტულ ვიზაზე განაცხადის შევსების ყველა ეტაპზე.
ჩვენ დაგეხმარებით:
საჭირო დოკუმენტების მომზადებასა და შეგროვებაში;
ონლაინ განაცხადის ფორმის უშეცდომოდ შევსებაში;
საკონსულოში ბიომეტრიული მონაცემების გადაგზავნაში.
ჩვენი მომსახურების ფასი: 200 ლარი
სავიზო მოსაკრებელი (ავსტრალიის ტურისტული ვიზა): 190 ავსტრალიური დოლარი.
ჩვენთან ერთად ვიზის აღება მარტივი პროცესია — დაგვიკავშირდით დღესვე და დაიწყეთ თქვენი ავსტრალიური თავგადასავალი!