დიდი ბრიტანეთის ვიზა (Standard Visitor Visa) აძლევს საქართველოს მოქალაქეებს შესაძლებლობას ეწვიონ გაერთიანებულ სამეფოს ტურიზმის, მოკლევადიანი ბიზნეს ვიზიტების, კერძო შეხვედრებისა თუ ნათესავების მონახულების მიზნით. დიდი ბრიტანეთის ვიზები სტანდარტულად გაიცემა 6 თვის ვადით, თუმცა არსებობს მრავალჯერადი, ხანგრძლივი ვიზებიც.
VisaGlobal გთავაზობთ სრულ სავიზო მხარდაჭერას, რაც მოიცავს დოკუმენტაციის მომზადებას, აპლიკაციის სწორად შევსებასა და ბიომეტრიის ჩაბარების ვიზიტის დაჯავშნას, რათა ბრიტანეთის ვიზის მიღება მაქსიმალურად მარტივი და უსაფრთხო იყოს.
დიდი ბრიტანეთის ვიზა გამოიყენება ვიზიტორის სტატუსით და სტანდარტულად გაიცემა 6 თვის ვადით. ეს ვიზა საშუალებას გაძლევთ მოინახულოთ ქვეყანა როგორც ტურისტმა ან ესტუმროთ მას მოკლევადიანი ბიზნეს მიზნებისთვის. სტანდარტული 6 თვიანი ვიზის ღირებულებაა £135. როგორც წესი, ბრიტანეთის ვიზის განხილვის პერიოდი დაახლოებით 3 კვირაა.
დიდი ბრიტანეთის ვიზაზე განაცხადის გაკეთება ონლაინ ხდება, ხოლო ბიომეტრიის ჩაბარებისა და სხვა სავიზო პროცედურებისთვის ვიზიტი დაგჭირდებათ თბილისში მდებარე UK Visa Application Centre-ში. თქვენ არ დაგჭირდებათ ვიზიტი სტამბოლში არსებულ დიდი ბრიტანეთის საელჩოში.
დიდი ბრიტანეთის ტურისტული ვიზის ვალიდურობა?
- სტანდარტული ვიზა – 6 თვე.
- ხანგრძლივი ვიზა – 2, 5 ან 10 წელი, მაგრამ თითოეული ვიზიტის ხანგრძლივობა მაქსიმუმ 6 თვეა.
ბრიტანეთის ვიზიტორ ვიზის მნიშვნელოვანი პირობები
- ვიზიტორის სტატუსით არ შეგიძლიათ დიდ ბრიტანეთში საცხოვრებლად დარჩენა ან მუშაობა.
- თითოეული ვიზიტის ხანგრძლივობა, როგორც წესი, არ უნდა აღემატებოდეს 6 თვეს.
- ხანგრძლივი ვიზები მრავალჯერადი ვიზიტებისთვის გამოიყენება, თუმცა თითოეული ვიზიტი მაქსიმუმ 6 თვე შეიძლება გაგრძელდეს.
რა დოკუმენტებია საჭირო ბრიტანეთის ვიზისთვის?
ბრიტანეთის ვიზაზე განაცხადისას მნიშვნელოვანია, რომ დოკუმენტებით მკაფიოდ დასტურდებოდეს თქვენი მოგზაურობის მიზანი, ფინანსური მდგომარეობა და ის გარემოებები, რომლებიც აჩვენებს, რომ ვიზიტის დასრულების შემდეგ შესაბამის ქვეყანაში დაბრუნდებით.
როგორც წესი, განაცხადისთვის შეიძლება დაგჭირდეთ:
- მოქმედი პასპორტი;
- საბანკო ამონაწერი და ფინანსური მდგომარეობის დამადასტურებელი დოკუმენტები;
- დასაქმების ან ბიზნესის დამადასტურებელი დოკუმენტები;
- შემოსავლის დამადასტურებელი ინფორმაცია;
- მოგზაურობის მიზნისა და დაგეგმილი ვიზიტის შესაბამისი დოკუმენტები;
- საჭიროების შემთხვევაში, დამატებითი დოკუმენტები ოჯახის, ქონების, ბიზნესის ან სხვა გარემოებების დასადასტურებლად.
დოკუმენტების ზუსტი ჩამონათვალი დამოკიდებულია კონკრეტულ აპლიკანტზე და მის მდგომარეობაზე.
ბრიტანეთის ვიზის გაკეთება რა ჯდება?
სტანდარტული ვიზიტორ ვიზის საფასური განისაზღვრება ვიზის ტიპისა და ვადების მიხედვით.
- სტანდარტული 6 თვიანი ვიზა – £135.
- ხანგრძლივი 2 წლიანი ვიზა – £506.
- ხანგრძლივი 5 წლიანი ვიზა – £903.
- ხანგრძლივი 10 წლიანი ვიზა – £1,128.
გაითვალისწინეთ:
ბრიტანეთის ვიზის ფასები პერიოდულად შეიძლება შეიცვალოს, ამიტომ ვიზის განაცხადის დროს აუცილებლად გადაამოწმეთ ინფორმაცია [GOV.UK-ის ოფიციალურ ვებგვერდზე](https://www.gov.uk) ან მოგვმართეთ. მოსაკრებელს იხდით ონლაინ, განაცხადის პროცესის ფარგლებში.
ვიზაგლობალის მხარდაჭერა
თუ გსურთ გაიაროთ კონსულტაცია ვიზაგლობალის სავიზო ექსპერტთან და მიიღოთ სრული მომსახურება დიდი ბრიტანეთის ვიზის მისაღებად, დაგვიკავშირდით ტელეფონის ნომერზე: 595 771 546 ან მოგვწერეთ ელ-ფოსტაზე: contact@visaglobal.ge. დიდი ბრიტანეთის სტანდარტული ტურისტული ვიზის შემთხვევაში ჩვენი მომსახურების საფასური განისაზღვრება 180 ლარით.
ხშირად დასმული კითხვები
რამდენ ხანში მივიღებ პასუხს?
დიდი ბრიტანეთის ვიზის განაცხადის სტანდარტული განხილვის პერიოდი, როგორც წესი, დაახლოებით 3 კვირაა. ეს პერიოდი ითვლება განაცხადის წარდგენის, ბიომეტრიის ჩაბარებისა და საჭირო პროცედურების დასრულების შემდეგ. თუმცა კონკრეტული განაცხადის განხილვას შეიძლება მეტი დრო დასჭირდეს, მაგალითად, თუ საჭირო გახდა დამატებითი ინფორმაციის ან დოკუმენტაციის მოთხოვნა.
შემიძლია ვიზის მიღება დაჩქარებული წესით?
თუ გსურთ პროცესი დააჩქაროთ, შესაძლებელია Priority Visa service-ის გამოყენება, თუ ეს მომსახურება კონკრეტული განაცხადისთვის ხელმისაწვდომია. დამატებითი საფასური ამჟამად £500-ია და მიზნობრივი ვადა, როგორც წესი, 5 სამუშაო დღეა.
დაჩქარებული მომსახურების ხელმისაწვდომობა დამოკიდებულია განაცხადზე და სავიზო ცენტრში არსებულ შესაძლებლობებზე.
შემიძლია თუ არა ვიზის გახანგრძლივება ბრიტანეთში ყოფნის დროს?
ბრიტანეთის ტურისტული ვიზის გახანგრძლივება ბრიტანეთში ყოფნის პერიოდში ჩვეულებრივ არ ხდება და მხოლოდ კონკრეტულ, კანონით განსაზღვრულ შემთხვევებშია შესაძლებელი. Standard Visitor-ის ფარგლებში ზოგიერთ სპეციალურ კატეგორიას, მაგალითად აკადემიურ ან სამედიცინო ვიზიტებს, განსხვავებული წესები შეიძლება ჰქონდეს. ჩვეულებრივი ტურისტული ვიზის შემთხვევაში კი, როგორც წესი, ვიზიტორმა ქვეყანა უნდა დატოვოს მისთვის დაშვებული ყოფნის ვადის ამოწურვამდე.
შემიძლია თუ არა ევროპის ქვეყნების მონახულება ამ ვიზით?
დიდი ბრიტანეთის ვიზიტორ ვიზა გაძლევთ დიდ ბრიტანეთში შესვლის შესაძლებლობას და არ ცვლის სხვა ქვეყნების სავიზო მოთხოვნებს. ამ ვიზით შენგენის ქვეყნებში ავტომატურად შესვლის უფლება არ გეძლევათ. ევროპის უმეტესი ქვეყანა შენგენის ზონის წევრია და მათ საკუთარი, დამოუკიდებელი სავიზო სისტემა აქვთ. დიდი ბრიტანეთი შენგენის ზონის წევრი არაა, ამიტომ UK Visitor Visa არ იძლევა შენგენის ქვეყნებში შესვლის უფლებას.
ნაკლებად ცნობილი დეტალები, რომლებიც ბრიტანეთის ვიზის მიღების შანსს მნიშვნელოვნად ზრდის: ჩვენი გამოცდილი სავიზო კონსულტანტების რეკომენდაციები
დიდი ბრიტანეთის ვიზაზე აპლიკაციის გაკეთებისას უნდა გახსოვდეთ, რომ გადაწყვეტილების მიღება ხდება მხოლოდ თქვენი აპლიკაციის და დოკუმენტაციის საფუძველზე. გაერთიანებული სამეფო განსაკუთრებული ყურადღებით და სიმკაცრით ამოწმებს აპლიკანტების თითოეულ საბუთს, განსაკუთრებით კი, რა თქმა უნდა, ფინანსურ დოკუმენტებს.
ფინანსური დოკუმენტაციის მომზადებისას, ყურადღება მიაქციეთ შემდეგს:
- მოამზადეთ 6 თვიანი სრული საბანკო ამონაწერი და არა მხოლოდ ხელფასის ამონაწერი.
- 6 თვიანი ამონაწერის მომზადებისას დააკვირდით, რომ დოკუმენტის საწყისი და საბოლოო ნაშთი იყოს მოგზაურობისთვის საჭირო თანხაზე მეტი. საბანკო ბალანსი არცერთი დღის ბოლოს არ უნდა იყოს განულებული.
- საბანკო ამონაწერში სასურველია რომ არ ფიქსირდებოდეს დიდი თანხების უეცარი შემოდინება და გადინება. მაგალითად, 5000 ლარის ოდენობის თანხა ჩაირიცხა 03.03.2026-ში და მისი განაღდება სრულად მოხდა 04.03.2026-ში. ეს ქმნის შთაბეჭდილებას, რომ რეალურად ანაზღაურება არ მიგიღიათ, არამედ დემონსტრაციულად შეიტანეთ თანხა ბალანსის ხელოვნურად გასაზრდელად.
- ჩარიცხვებს სასურველია რომ ჰქონდეს სტატუსი „ხელფასი“ ან „ბონუსი“. თუკი შემოსავალი გაქვთ რაიმე ცალკეული კონტრაქტის საფუძველზე, სასურველია რომ შეძლოთ ამ კონტრაქტის წარდგენა და შემოსავლის წარმომავლობის დასაბუთება.
- თუ გაქვთ რამდენიმე ანგარიში და ორივეს იყენებთ, წარადგინეთ ორივე ანგარიშის საბანკო ამონაწერი.
რაც შეეხება დანაზოგის ცნობას, გაითვალისწინეთ შემდეგი.
- დანაზოგის ცნობა უნდა იყოს გაცემული ინგლისურ ენაზე ბანკის ბეჭდით და პასუხისმგებელი პირის ხელმოწერით.
- დოკუმენტში უნდა ჩანდეს გახსნის თარიღი და პერიოდულად ანგარიშზე თანხის დამატების ისტორია.
- დოკუმენტში სასურველია ეწეროს რომ თანხა ხელმისაწვდომია გამოყენებისთვის. იმ შემთხვევაში თუ გაქვთ სადეპოზიტო ანგარიში, მიეთითოს შესაძლებელია თუ არა თანხის წინასწარ გამოტანა.
- დანაზოგის ცნობა არ ანაცვლებს საბანკო ამონაწერს. დანაზოგის ცნობა სასურველია, საბანკო ამონაწერი აუცილებელია.
როდის არის სწორი დრო ვიზაზე განაცხადის გაკეთებისთვის?
ჩვენი სავიზო ექსპერტების მრავალწლიან სამუშაო გამოცდილებაზე დაყრდნობით და 5000-ზე მეტი წარმატებული სავიზო აპლიკაციის მართვის შედეგად, შეგვიძლია დავასკვნათ რომ ბრიტანეთის ვიზის შევსებისას უდიდესი მნიშვნელობა აქვს აპლიკანტი მისი ცხოვრების რა ეტაპზე აკეთებს გაერთიანებული სამეფოს ვიზაზე განაცხადს.
გაითვალისწინეთ ქვემოთ მითითებული რჩევები, რომ მაქსიმალურად გაიზარდოს თქვენთვის ვიზის მიღების შანსი.
- ძველი სამსახურიდან წამოსვლის ან ახალი სამსახურის დაწყებისთანავე არ გააკეთოთ განაცხადი. მოიცადეთ გარკვეული პერიოდი, რომ აისახოს თქვენს ანგარიშზე ჩარიცხვები და თქვენი კარიერული მდგომარეობა დასტაბილურდეს.
- თუკი შეიცვალეთ საცხოვრებელი სახლი ან ქალაქი, სასურველია ცვლილება განაცხადში შესაბამისი დოკუმენტებით იყოს დასაბუთებული.
- თუ თვითდასაქმებული ხართ, freelancer ხართ ან ახლახან დაიწყეთ ბიზნესი, მნიშვნელოვანია საქმიანობის, შემოსავლისა და ფინანსური მდგომარეობის დამადასტურებელი დოკუმენტების სწორად მომზადება.
- თუ თქვენი შემოსავალი სეზონურია, მაგალითად ტურიზმი, სამშენებლო, სოფლის მეურნეობა და ა.შ. სასურველია რომ განაცხადში თქვენი შემოსავლის სეზონურობა და წარმომავლობა მკაფიოდ ჩანდეს.
- დიდი ფინანსური ცვლილებების შემდეგ, მოერიდეთ განაცხადის მალევე გაკეთებას. მაგალითად, ბინის შეძენა ან გაყიდვა, აქციების ყიდვა და ა.შ.
დიდი ბრიტანეთის ვიზის მიღება დიდწილად დამოკიდებულია აპლიკანტის მიერ დროის სწორ არჩევანზე. განაცხადი აუცილებლად მაშინ უნდა გაკეთდეს, როცა პირადი და პროფესიული ცხოვრება სტაბილურია, ფინანსები კი მაქსიმალურად რელევანტური და სტაბილური.