იაპონიის ვიზა
იაპონიის ვიზა გაიცემა ქალაქ თბილისში მდებარე იაპონიის საელჩოს საკონსულო სამსახურში.
მისამართი: ქ. თბილისი, კრწანისის 7დ, 0114, თბილისი, საქართველო
ტელეფონი: (+995 32) 2 75 21 11
ვებგვერდი: https://www.ge.emb-japan.go.jp
ძირითადი ფაქტები:
- სავიზო მოსაკრებელი: საქართველოს მოქალაქეებისთვის იაპონიის ვიზის მოსაკრებელი უფასოა.
- განხილვის ვადა: სტანდარტული განხილვის პერიოდი გრძელდება დაახლოებით ხუთი სამუშაო დღე (თუმცა, სირთულიდან გამომდინარე, პროცესი შეიძლება გაიზარდოს).
- განაცხადის შეტანა: საჭიროა წინასწარ დაჯავშნოთ ვიზიტი საკონსულოში. რეკომენდებულია ამის გაკეთება მოგზაურობის დაწყებამდე მინიმუმ ერთი თვით ადრე.
- ვიზის მოქმედება: ერთჯერადი ტურისტული ვიზა გაიცემა 3-თვიანი მოქმედების ვადით.
როგორ ხდება ინტერვიუს ჩანიშვნა?
იაპონიის საელჩოს საკონსულო განყოფილებაში ვიზიტის დაჯავშნა შესაძლებელია როგორც სატელეფონო ზარით, ისე ელ-ფოსტითაც.
ტელეფონით: (+995 32) 2 75 21 11
ელფოსტით: consular@tb.mofa.go.jp
- დაუკავშირდით საკონსულოს ტელეფონით ან ელფოსტით.
- მიუთითეთ თქვენი სახელი, პასპორტის ნომერი, ვიზის ტიპი და სასურველი თარიღი.
- საელჩო დაგიდასტურებთ შეხვედრის დროს.
- დანიშნულ დღეს პირადად გამოცხადდით საკონსულოში და წარადგინეთ საჭირო დოკუმენტები.
იაპონიის საელჩოს საკონსულო განყოფილებაში სავიზო განაცხადის შეტანა შესაძლებელია ორშაბათიდან პარასკევის ჩათვლით, 09:30–12:30 საათამდე.
საჭირო დოკუმენტაცია (მოკლევადიანი ვიზიტისთვის)
იაპონიის ვიზის მისაღებად მთავარი აქცენტი კეთდება თქვენი ფინანსური მდგომარეობისა და სამშობლოსთან მყარი სოციალურ-ეკონომიკური კავშირების დამტკიცებაზე.
ძირითადი დოკუმენტების ჩამონათვალი (შეიძლება შეიცვალოს საელჩოს მოთხოვნით):
- მოქმედი საზღვარგარეთის პასპორტი (ვარგისიანობა ≥ 6 თვე)
- სავიზო განაცხადის ფორმა (2 ეგზემპლარი)
- ფოტოსურათი (35×45 მმ)
- სამსახურის ცნობა დამსაქმებლისგან; თუ პირი ბიზნესის მფლობელია – საჯარო რეესტრიდან მეწარმეობის ამონაწერი
- ბოლო 6 თვის საბანკო ამონაწერი
- დანაზოგის შესახებ ცნობა ბანკიდან
- ID ბარათის ასლი
- სამოგზაურო პროგრამა – ყოველი დღის დეტალური გეგმა
- განთავსების დოკუმენტები (სასტუმრო, ბინის ჯავშნები)
- ავიაბილეთის ჯავშნის დოკუმენტები
- სამოგზაურო დაზღვევა
ყურადღება: საელჩო არ მიიღებს არასრულყოფილ განაცხადებს. ყველა დოკუმენტი უნდა შეგროვდეს ზედმიწევნით ზუსტად, ოფიციალური მოთხოვნების შესაბამისად.
გამარტივებული სავიზო პროცედურები საქართველოს მოქალაქეებისთვის
იაპონიის ხელისუფლებამ მიიღო გადაწყვეტილება საქართველოს მოქალაქეებისთვის სავიზო რეჟიმის გამარტივების შესახებ. ეს ნაბიჯი ხელს უწყობს მოქალაქეთა მიმოსვლის წახალისებას და შესაძლებლობას იძლევა, გარკვეულ კატეგორიას (მაღალი რანგის პროფესიონალებს, უმაღლესი განათლების მქონე პირებს) მიეცეთ მრავალჯერადი ვიზის მიღების უფლება.
სრული მომსახურება იაპონიის ვიზის მისაღებად
ჩვენ გთავაზობთ სრულ მომსახურებას იაპონიის ვიზის მიღების პროცესში
- ვიზიტის დაჯავშნა
- აპლიკაციის შევსება
- დოკუმენტაციის საკითხებში დახმარება
- მოგზაურობის გეგმის შედგენა
- განთავსების საკითხების მოგვარება
ერთ პერსონაზე სავიზო მომსახურების გადასახადი შეადგენს 150 ლარს.
დაგვიკავშირდით: contact@visaglobal.ge