ტაილანდის ვიზა

ტაილანდის ვიზა დაგჭირდებათ მაშინ როცა თქვენ გეგმავთ ტაილანდში დარჩენას 60 დღეზე მეტი ხნით ან თქვენი ვიზიტის მიზანი არ არის ტურისტული (მაგალითად, სწავლა, მუშაობა, საქმიანი ვიზიტი, პენსიაზე გასვლა).

ტაილანდის ვიზის ძირითადი ტიპები:

• Non-Immigrant “O” (ოჯახი, პენსია): გამოიყენება სხვადასხვა მიზნით, მათ შორის პენსიონერებისთვის და ოჯახის წევრების მოსანახულებლად.
• Non-Immigrant “B” (საქმიანი/სამუშაო): განკუთვნილია ბიზნეს საქმიანობისთვის ან სამუშაოსთვის (ამ შემთხვევაში დაგჭირდებათ სამუშაო ნებართვა).
• Non-Immigrant “ED” (განათლება): გამოიყენება სასწავლო დაწესებულებებში ჩარიცხვის შემთხვევაში.
• Destination Thailand Visa (DTV): ახალი ვიზის კატეგორია მათთვის, ვინც ტაილანდში “ციფრული მომთაბარის” (Digital Nomad) სტატუსით ან გრძელვადიანი დასვენების მიზნით ჩადის. ეს სავიზო პროგრამა დღეს ახალგაზრდებში ძალიან პოპულარულია, რადგან ფრილანსერების რაოდენობა გაზრდილია და ბევრი მათგანისთვის მოსახერხებელია ტაილანდიდან მუშაობა.